فضيحه بنت في ثانوي

بجد قصه غريبه وعجيبه
الحوار بدأ ان بنوتتنا اتعرفت على صاحبنا وموبايلات بقى وحوارات
المهم اتعرفو على بعض اكتر والعلاقه زادت بينهم
البنوته عيزه تنزل تقابل حبيب القلب ومش عارفه تقول لبابا وماما ايه وهو هيموت ويشوفها
طب وبعدين
عيزين يشوفو بعض ايه العمل
صاحبنا اقترح انهم يتقابلو عند المدرسه
طب ازاي بقى ده بابا بيوصلني كل يوم للمدرسه
عادي بعد ماهو يوصلك اعدي انا واخدك
طب ازاي بردو دي المديره بتتصل في البيت
يوووووووووه شلي فيشه التليفون وارتاحي
خلاص عدي عليا بكره ونشوف الامور هتمشي ازاي
يا خراشي ده بكره جه وزي كل يوم والد البنوته وصلها للمدرسه بس النهارده بقى صاحبنا عدى عليها
يارب استر
بابا وصل بنوتتنا وعدى صاحبنا اخدها
خرجو وراحو يفطرو في الكوفي شوب الجامد واعدو يحبو في بعض شويه
وجه الميعاد اللي المفروض تروح فيه وقامو بسرعه ووصلها صاحبنا ومش في حد عرف حاجه وبعدها كلمت صاحبنا وطمنته ان مش في حد عرف حاجه قالها طب ايه رايك نتقابل بكره تاني
قالتله لا طبعا مش كل مره تسلم الجره
بس انا المره دي جايبلك معايا هديه
طب خلاص عدي ونشوف ايه النظام
جه بكره وعدى صاحبنا في نفس الوقت وفضلو ع الحال ده اسبوع وكل مره بتعدي وكل مره تشيل فيشه التليفون
بس اخر مره بقى نسيت تشيلها

ترررررررررررررررررن ترررررررررررررررررن
ترررررررررررررررررن ترررررررررررررررررن
التليفون بيرن ربنا يستر
والده البنوته ردت
آلو السلام عليكم
وعليكم السلام انا مديره المدرسه اللي فيها بنتك
خير يارب مش يكون في حاجه وحشه
لا مش في حاجه بس بنت حضرتك بقالها اسبوع مش بتيجي يارب مش تكون تعبانه ؟
الام ازاي المهم اتصرفت وقالت اه ده هي تعبانه شويه بس
لا الف حمد لله على سلامتها
الام بقى اتجننت ومش بقت عارفه تتصرف ازاي تروح تقول للبنت ولا تروح تقول لوالدها
المهم قررت انها تقول لوالدها وقالها احنا مش هنقولها حاجه وانا هوصلها بكره عادي ونشوف بقى هي بتروح فين
وفعلا الاب وصل البنوته ومشي شويه كده وفجأه جت عربيه لانسر وبنته ركبت فيها (ياخراشي)
الاب مشي ورا العربيه لحد ما العربيه وقفت وطلعو العماره
الاب سأل البواب هما دول في شقه كام قاله رقم الشقه
طلع الاب وهو و طالع كان صاحبنا نازل يشتر حاجه من تحت
المهم الاب طلع للشقه والبنوته فتحت الباب وفوجئت ان والدها اللي امامها
جريت ع المطبخ ومسكت السكينه على سبيل التهويش ( يا جبروتك ) لكن للاسف غلطت وطعنت ابوها في صدره والاب وقع ع الارض
طلع صاحبنا شاف الموقف ده قالها شليه معايا ع الحمام وحطوه في البانيو ملوه ميه وحطو صابون الغسيل عشان الرغوه وكده بقى

البنوته مروحه مش قادره تعرف اللي حصل ده جد ولا خيال ومروحه وهي مرعوبه
خبطت ع الباب واذا بالمفاجاه الغريبه
والدها هو اللي فتح الباب
بابا مش ممكن مستحيييييييييييل
رد والدها:

مع تايد الغسيل مافيش مستحيل